Wala na

- - - OMM’s Law

Wala na talaga..
Wala na.
Wala na...

Wala na talaga ito,
Kahit ano pa sigurong gawin mo.
Man loko,
Gumawa ng kasalanan,
o kahit na ano pa man.

Hahanapin at patatawarin ka pa rin ng puso ko.
Mahuli man kitang humahanap ng iba,
Naglilibang sa ibang inanyayahan;
Wala na talaga. Ako’y sayo na.

Ito ang pinaka ibang naramdaman;
Mahal kahit walang usapan,
Sigurado kahit konting senyas lang.
Isumpa man ako o iyong ipagtabuyan;
Mahal pa din kitang lubusan.

Tumingin sa salamin,
Pagpapasslamat sa ito ang bigkas sa sarili.
Sipatin ang bituin,
Ikaw pa din ang tinatangi.

Bawat pikit,
Bawat hinga,
Bawat galaw.
Ikaw lang walang iba.
Boooow.

#infinitylocklove

Ikaw

- - OMM’s Law
02.02.19

Ibang-iba ang himig,
Bawat salita,
Bawat titik,
Isang pito mula sa langit,
Ayan na. Sabi ko na.
Nawala na ang mga pangit.

Naghihimutok ang aking kagalakan,
Madinig lang ang tinig mong inaasamsam.
Hindi ko alam bakit ganito,
Puso ko’y nabihag mo.

Bagong pang haharana;
Luma bang talaga?
Bakit ako’y lumipipad;
Problema’y kung saan na naglagalag.

Ang boses mo makabuluhan;
Dala sa akin ay ritmomg di maintindihan.
Galit at alimpuyos ay siguradong lusaw.
Sa himig mong pang bakulaw.

Isang milyong pagtatampo’y mahihiya;
Maghahanda at sasalubong sayo ng bigla;
Mahal kita mula sa kaibuturan.
Ikaw hanggang sa walang hanggan.

#infinitylocksoul

Ang Busing Tuta

Ang busing Tuta..
-OMM’s Law

Ang busy2x pero naiisip kita;
Ang busy2x pero hinahanap kita;
Ang busy2x pero iniibig kita;
Ang busy2x nasaan ka na ba?

Bilanggo ng apat na pundasyon ngayon ang sarili ko;
Mahina ang sagap at walang hanging malanghap;
Mali kaya desisyong mailagay dito sa taas;
Kung ikaw nama’y di ko rin malalasap;

Sintensyang pinataw, nagpaagos ng patak sa balintataw;
Bakit pinagdaraanan itong tila ba sukdulang hinalaan.
Pinagdududahan ang pagsinta sayo hirang;
Dahil sa init ng ulo na di ka agad matanaw.

Mali siguro ang araw-arawing mithiin ka.
Mali siguro ang asamin na mapaligaya ka sa twina;
Mali siguro na magalit kapag segundo’y lumipas di ka kayakap pa;
Mali nga siguro subalit ganoon talaga ako at di na mababago.

Ngayo’y di alam paano tatapusin ang tahasang pagsulat ng tula;
Masakit, mapait na ganito naman,
Kausap ko ang sariling diwa,
Nag-aasal makata at nag aasatang nawawalang tuta.

#InfinityLockSoul