Pagsubok na naman!

Pagsubok na naman!
 - OMM's Law
Araw ng Pagkabuo: Aug. 29, 2018


Lingid sa inyong kaalaman,
Ako’y lubos na tinamaan,
Sa di maipaliwanag na paraan,
Ika’y laging gustong makamtan;

Simpleng tampuhan na dati’y kaya kong tiiisin;
Ngayon magpapaubaya at kayang magpaalipin;
Alam kong sugal pero masaya akong masasaktan;
Kung sakaling puso ko’y gusto mo talagang pahirapan;

Kahit na parang “sana” pinatay mo nalang ako sa anim na buwan mong hamon;
Utak kong pikon di kayang mag alboroto ng maghapon;
Parang naghihimagsik at puri ko’t damdamin;
Sa mga simpleng banat na bumabaong napakalalim.

Ikaw na nga ata ang aking kahinaan;
Natipong kapag akoy iniwan ay sabay na ding hihimlay;
Subalit kapag akoy sinuwerte at nabuhay sa iyong pagbitiw;
Sigurado akong magiging matikas na mang-aaliw na medyo baliw.

Ikaw na inspirasyon ko sa bawat pagising;
Mensahe ko sana’y iyong dinggin.
Hindi man ako maging tulad nilang naging masayang parte ng iyong nakaraan;
Susubukan ko namang maging perpekto sa mata mo kung ano ako ngayong kasalukuyan.
​
#infinitylockheart
#dream

Buksan Mo

Buksan mo.. Papasok ako
- OMM's Law
Araw ng Pagkabuo: Aug. 29, 2018


Bakit ganon ang mundo;
Ang daming kumplikasyon at puno ng pagbabago;
Minsan sa isang bughaw na buwan ko lang makikita ang haba ng daluyong na hatid mo;
Bakit may tsansa pa na mawala ka sa piling ko.

Bakit pa naimbento ang salitang “inip”;
Kung ang dulot nito’y peligro sa ating panaginip;
Panaginip na ayaw na ayaw kong pigilan;
Dahil ikaw ay ayaw kong pakawalan;

Masyadong marubdob kung ano man itong aking nararamdaman;
Na sa panahong ito’y kapag ka daka’y iniwan;
ay paranang inihaw, pinulbos at isinabo’y sa kailalim-ilaliman;
Kaya alam mo na: buksan mo yan at papasukin ako.
​
#infinitylockheart
#sensation

Construction Boom in the Philipppines

Construction Boom

- OMM’s Law

Aug. 31, 2018

At muli nating bistayin ang mga buhangin;

Nang masinsin na humiwalay ang bato, bubog at mga sintimyento ng damdamin;

Babakin ang pundasyon na humahadlang sa pagpanaw ng mga dalangin;

Nang sa wakas buong-buong masilayan ang liwanag ng preskong hangin.

Kapag daka’y nalimas na ang mga hangarin;

Simulan namang masahin ang tubig sa buhangin;

Bungkalin ang bagong susuotan ng itatanim na halige;

Kasabay nang pag-aakalang puro ang ibubuhos na insentibo palage.

Isunod ang pagsipat sa swelo ng mga palapag;

Siguraduhing patag at naayon sa sukat;

Di tulad ng mga tiwalang pwedeng tumiwalag;

Parang plumang aandap-andap at mahirap maaninag.

Sunod na Balangkasin naman ang mga hagdanan;

At suriin ang kung nararapat ang planong baitang;

Baka halusinasyon ang sayo ay nag-aabang;

Sapagkat ang arkitekto ay nagtatago sa huwad nyang anino.

Bumuhos bigla ang asidong ulan;

Nakalima ka lang sa planong walong binububungan;

Damdamin mo’y nagbuhos ng sentimyento;

Akala mong simento biglang nalusaw ng asido.

Mga materyales ay hindi nasala ng kumpleto;

Pati plantilya mo ay nawawala na din sa uso;

Palitada, gililan, plantsa at iba pa’y bitak-bitak mong nasalo;

Simula palang pala ay mali na ang asintado.

Kaya ngayo’y naliligaw kung paano;

Umuulan, lumilindol at may mataas na mga daluyong;

Konstruksyon ba’y itutuloy o bubuwagin nalang;

Kasabay ng pagsuko sa mga hangarin sa kawalan.

#InfinitylockEarth

#swellington

#civilworks