Ang Munting Pangarap ng Maitim na Bulak

Ang Munting Pangarap ng Maitim na Bulak

Orville M. Mancilla

(Black sheep)    

Sa pagdalisdis ng sangang may tinik sa aking likuran,

dala nito’y sugat na hindi maghihilom kailanman,

minamahal kong ama lubhang ika’y nagkasala,

sa iyong anak na tinatangi at sadyang pinagpala;

Lumukob sa akin ang putik ng ating pamilya,

 At ako’y nalunod sa matinding aberya,

Unti-unting sinimsim ng maitim usok ang aking katawan,

Kaya’t ito’y nanuot sa buto at sa koloob-looban;

Udyok sa akin ng isang nakasutana,

Ang himig ng dyos ay maririnig ko pa,

Ngunit pano na! kung pandinig ko’y Basag na,

At ang itim na linta’y kinain na ang aking kaluluwa;

Hinahanap kong pagmamahal,

Sa iba natagpuan,

Sa lirip ng droga at magagandang dalaga,

At doo’y binansagang anak ng Afghanistan;

Mumunting pangarap unti-unting nabuwag,

Nilunod, winarat , binasura ng walang palag,

Bumaon ang palakol na iyong pinukol saking puso,

Nag iwan ng pilat at matinding sugat;